Seite 24
Marchio, cupientes non latere omnes quibus presens scriptum exhibebitur. Recognoscimus in hiis scriptis publice protestantes quod pro salute animarum incliti principis Marchionis Hermanni Patris nostri felicissime recordationis, progenitorumque suorum ac nostrorum trium quaratalium agrorum, quos Jacobus de Pasewalk in Werben Civis noster dilectus & providus sua pecunia comparavit in Villa Clince eorum proprietatem donamus & per presentes donavimus religiosis Viris Fratribus Sancti Johannis domus Hospitalis in Werben justo proprietatis titulo ipsos agros perpetuis temporibus libere possidendos, Renunciantes omnibus Juribus precariis servitiis & aliis quibuscumque Angariis, que nobis & nostris successoribus in posterum cedere potuerunt de iisdem. Pro quo predicti fratres unam missam diebus singulis in perpetuum servabunt & servare debent nullo die omisso pro salute animarum omnium predictorum. Et ut hec pia nostra donacio immobilis perseveret, presenti litere sigillum nostrum duximus apponendum presentibus famosis, Comite Heinrico de Luchow, Dominis Friderico de Alvensleven, Burchardo de Berthinsleve, Busone Eruesleve, Bulone de Milow, Henningo de Vornlamth, Christiano de Bernhardsdorff, & aliis multis fide dignis. Actum Berlin Anno Domini Millesimo CCCXVII proxima secunda feria ante Beatorum Fabiani & Sebastiani Martyrum.
Jngleichen hat der Commendator Herman von Werberge 1341 eines Conradi de Krakow stiftung bestättiget, welcher den Johanniter Rittern in Werben 16 schillinge jährlicher einkünfte in Wendemark geschenket:
Nos Frater Hermannus de Werberge Commendator Domorum Werben & Nemer cumtenens Reverendi Domini Fratris Bertoldi de Henneberg, generalis preceptoris Alemannie per Saxoniam, Marchiam & Slaviam ordinis Sancti Johannis Jerosolimitani tenore presentium publice recognoscimus & testamur, quod strenuus vir Dns. Conradus de Krakow Miles Dei causa in remedium animarum sue videlicet & uxoris sue Yden, ac omnium parentum ac posterorum suorum, de bonis sibi a Deo collatis libero animo & devocione integra, cum scitu & consensu filiorum suorum, videlicet Domini Conradi Sacerdotis & Canonici Brandeburgici & Hennighii de Krakow famuli nec non